Он-Толь - Монголын топ сайтын нэг

Үндсэн нүүр

Толь бичгүүд

Дуу хостинг

Англи-Монгол толь

Хайх

Үндсэн цэс

Архив

Нэмэх

Youtube

Хэрэглэгчийн оноо

Толь бичгүүд

Бусад сайт ба хуудас

Дуу хайх

Юм нийтлэх & хийх

Өгүүллэг, шүлэг бичих

Монгол дууны үг бичих

Зургийн цомог

Хайлтын хэсэг

Сайтыг хийгч

webmaster
webmaster
Newsman
sara9107
ss
xalxmongol

Хүнд хэлэх

Сүлжээнд хэн байна

22: Зочин

1: Хэрэглэгч

19626: Нийт бүртгэл

Anora

Таны нэр Зочин.
Бүртгүүлэх.

Монгол мэдээ : Арслан цолоо баталж чадахгүй бөхчүүд ардын наадмын түрүү булаадаг болоо юу
Нийтлэгч sara9107 [ 2008/7/24 4:07:26 ] уншсан 106.
Арслан цолоо баталж чадахгүй бөхчүүд ардын наадмын түрүү булаадаг болоо юу ?Улс хувьсгалын 64 жилийн ой буюу 1985 онд Бандийн Ганбаатар начин заан цолыг алгасан түрүүлж арслан цол авч байснаас хойш олон жил өнгөрчээ. Тухайн үед ард олон “Энэ Ганбаатар арслан удахгүй Монголын шинэ Баянмөнх болно шүү” гэлцэн шуугицгааж байсан ч тэрбээр арслан цолоо ч баталж амжихгүй явсаар өтөлсөн билээ. Гэхдээ арслан цолондоо багадахааргүй нэгэн гэдгээ харуулж тухайн үеийнхээ аатай иртэй бөхчүүдийг айлган чичрүүлж, өвдөглөн сөхрүүлж явсаныг бүгд мэднэ. Зарим хүмүүс тэр жил Ганбаатар арслангийн од нь гүйсэн жил байсан, од нь гүйсэн бөхийг ямар ч хүн дийлдэггүй юм гэсэн яриа гаргаснаар огцом цойлсон бөхчүүдийг од нь, гүйлээ гэж нэрлэдэг болсон юм. Түүнээс хойш арваад жилийн дараа буюу 2006 онд Их Монгол улс байгуулагдсаны 800 жилийн ойн их баяр наадмаар улсын начин Д.Азжаргалын од гүйж аварга Д.Сумъяабазартай үлдэн үзүүрлэснээр Монгол улсын арслан хэмээх эрхэм хүндэт алдар цолыг хүртсэн билээ. Харин өнгөрсөн жилийн баяр наадмаар улсын заан Х.Мөнхбаатар улсын гарди И.Доржсамбуутай үзүүр түрүү булаалдан барилдаж түрүүлсэнээр ,арслан цол хүртсэн билээ. Тэгвэл энэ жилийн баяр наадамд бөх сонирхогч олны хэний нь ч тааварт багтаагүй улсын өсөх идэр начин До.Ганхуяг, улсын харцага Н.Ганбаатар хоёр үзүүр түрүүнд үлдэж Өвөрхангай аймгийн Зүүнбаян Улаан сумын харъяат улсын начин До.Ганхуяг шинээр арслан цолны болзол хангасан билээ. Ийнхүү монгол бөхийн түүхэнд сүүлийн гурван жил дараалан арслан хэмээх араатны хааны нэрээр нэрлэгдсэн хүчит бөхчүүд шинээр төрөн гарч ирлээ. Гэвч харамсалтай нь шинэхэн арслангууд маань “Одоо миний амжилт ханасай, хүсэл маань гүйцсэн” гэсэн юм шиг дараа жилийнхээ наадамд нэг хоёрын даваанд шахуу унаж, үзэгчир түмнийхээ урам зоригийг хугалж байгаа нь нууц биш. Жишээ нь улсын арслан Д.Азжаргал л гэхэд арслан болсоныхоо дараа жил тавын даваанд өвдөг шороодож, өмнөх жил нь хүлээлгэсэн өргөн олны итгэл хүндлэлийг шавартай хутгаж байв. Энэ жилийн наадамд л гэхэд Азжаргал арслан дөрвийн даваанд аймгийн арслан /энэ жил харцага цолны болзол хангасан/ Ө.Даваабаатарт өвдөг шороодсон нь түүнийг арслан гэж нэрлэхэд арай л жолдож тэргүүн дээрээ залсан цолны эрэмбэтэй малгай нь хүнддээд байгаа юм шиг санагдаж байсан билээ. Мөн өнгөрсөн жил түрүүлсэн Х.Мөнхбаатар арслан энэ жилийн наадмын зургаагийн даваанд /заан цолны болзол хангасан/ аймгийн арслан Д.Соронзонболдыг дийлэлгүй мөн л өвдөг шороодож өнгөрсөн жил олж авсан нэрээ унагалаа. Ийнхүү нэг жил сайн барилдаж түмэн олны итгэл хүлээсэн бөхчүүд маань дараа жил нь олигтой амжилт гаргаж чадахгүй доогуур даваанд өвдөг шороодоод байвал яваандаа наадамчин олон түрүүлсэн бөхийг дэмжин уухайлахаа больж мэдэх юм. Арслан цолоо баталж чаддаггүй юм аа гэхэд мөн гардийн даваанд биш юмаа гэхэд ядаж зааны даваанд гарч ирээд өвдөг шороодож байвал үзэгч олон алга таших байлгүй. Сая түрүүлсэн До.Ганхуяг арслан ч гэсэн хойтон жилийн наадамд доогуур даваанд сөхөрчихвөл энэ жилийн наадамчин олны инээд хөөр эгшин зуурт нүүрнээс нь алга болох нь ойлгомжтой. Тэгээд ч Азжаргал, Мөнхбаатар зэрэг арслангууд амжилт муутай барилдаж байгаад гутарсан бөх сонирхогчид “Сүүлийн үед зүлэг ногоон дэвжээн дээр сайн бөхчүүд ховор төрөх болоо юу даа. Авсан цолоо баталж чадахгүй бөхчүүд л ардын наадмын маань түрүүг булаадаг болчихлоо. Уг нь тасралтгүй 12 жил түрүүлсэн алдарт Намхай аварга, 10 жил түрүүлсэн Луу гүний Вандан аварга, 7 жил түрүүлсэн Б.Түвдэндорж аварга, 6 жил түрүүлсэн Д.Дамдин аварга, 7 жил түрүүлсэн Ж.Мөнхбат аварга, 10 жил түрүүлсэн Х.Баянмөнх аварга, 12 жил түрүүлсэн Б.Бат-Эрдэнэ гээд цагийг эзэлсэн энгүй их хүчтэнүүд элин халин дэвж тойрсон ардын төрийн их наадам юмсан” хэмээн харамссан өнгө аястай үгсийг энд тэнд унагах болсон байна. Иймээс арслан цолны болзол хангасан бөхчүүд маань ард олныхоо итгэлийг авгай хүүхний сам шүүр шиг газар унагачихгүй аль аль талдаа хичээж явахгүй бол нэг л өдөр Төв цэнгэлдэхийн суудал дээр тун цөөхөн үзэгч та бүхний барилдахыг үзэх гээд сууж байж мэдэх нь байна шүү.