Он-Толь - Монголын топ сайтын нэг

Үндсэн нүүр

Толь бичгүүд

Дуу хостинг

Англи-Монгол толь

Хайх

Үндсэн цэс

Архив

Нэмэх

Youtube

Хэрэглэгчийн оноо

Толь бичгүүд

Бусад сайт ба хуудас

Дуу хайх

Юм нийтлэх & хийх

Өгүүллэг, шүлэг бичих

Монгол дууны үг бичих

Зургийн цомог

Хайлтын хэсэг

Сайтыг хийгч

webmaster
webmaster
Newsman
sara9107
ss
xalxmongol

Хүнд хэлэх

Сүлжээнд хэн байна

28: Зочин

0: Хэрэглэгч

19626: Нийт бүртгэл

Таны нэр Зочин.
Бүртгүүлэх.

Монгол мэдээ : С.Баяр: Сонгуулийн дүнг хүлээн зөвшөөрөх эсэх асуудлаар намууд зөвшилцөж байна
Нийтлэгч sara9107 [ 2008/7/5 23:24:20 ] уншсан 48.
С.Баяр: Сонгуулийн дүнг хүлээн зөвшөөрөх эсэх асуудлаар намууд зөвшилцөж байна Монгол Улсын Ерөнхий сайд, МАХН-ын дарга С.Баяр долдугаар сарын 5-ны оройн 20.00 цагт Төрийн ордонд сэтгүүлчидтэй уулзах үеэрээ сонгуулийн урьдчилсан дүнг хүлээн зөвшөөрөх эсэх талаар намууд зөвшилцөж байгаа талаар мэдээллээ. Намуудын төлөөлөл өчигдөр, өнөөдөр уулзацгаасан бөгөөд маргааш ч бас уулзах аж. “Сонгуулийн эцсийн дүн гаргаагүй байна. Будилаан, зөрчилтэй байгаа тойргуудад саналыг дахин тоолж болох юм. Эсвэл шаардлагатай тойргууд дээр дахин санал хураалт явуулж болох юм. Үгүй бол зарим намын санал болгож байгаачлан эрх зүйн орчныг нь бүрдүүлээд сонгуулийг дахин явуулж болох юм гэсэн олон хувилбарыг ярьж байна. Нэгдсэн шийдэлд хүрээгүй байна. Гэхдээ бид юуны өмнө сонгуулийн дүнг нэг тийш болгох шаардлагатай” гэж С.Баяр хэллээ. Сонгуулийн явц тийм ч “аятайхан” болоогүйг С.Баяр хүлээн зөвшөөрлөө. Үүнд намууд, СЕХ аль аль хамаатайг хэллээ. Намуудын зөвшилцөл тодорхой шийдэлод хүрч чадна гэдэгт найдаж байгаагаа С.Баяр илэрхийллээ. Мөн тэрээр онц байдлыг өнөө орой цуцалж байгааг хэлсэн бөгөөд цаашид ийм байдал дахин гаргуулахгүйн төлөө намууд ажиллаж байгааг ч онцоллоо. Үймээний үеэр амь насаа алдсан иргэдийн ар гэрт Монгол Улсын Засгийн газрын нэрийн өмнөөс болон хувиасаа эмгэнэл илэрхийллээ. Онц байдлыг 1995 онд батлагдсан Онц байдлын үеийн тухай хуулиар зохицуулсан бөгөөд энэ хуульд нарийвчлан тодруулах олон зүйл байгааг Ерөнхий сайд хэллээ. “Энэ хуулийг батлагдсанаас нь хойш олон хүн сая л сөхөж үзсэн байх” гэж С.Баяр хэллээ. Амь нас нь үрэгдсэн иргэд цагдаагийн суманд өртөн нас барсаныг тогтоогоогүй байгааг Ерөнхий сайд онцолсон. Онц байдлын үеэр телевизийн олон сувгийн нэвтрүүлгийг хаасан билээ. “Онц байдлын үед хэвлэл мэдээллийг тэгж ажиллуулна гэсэн тодорхой зүйл заалт хаа ч байхгүй. Үүссэн нөхцөл байдлыг дэвэргэхгүй байх үүднээс ийм шийдвэр гаргасан” гэж Ерөнхий сайд хэллээ