Он-Толь - Монголын топ сайтын нэг

Үндсэн нүүр

Толь бичгүүд

Дуу хостинг

Англи-Монгол толь

Хайх

Үндсэн цэс

Архив

Нэмэх

Youtube

Хэрэглэгчийн оноо

Толь бичгүүд

Бусад сайт ба хуудас

Дуу хайх

Юм нийтлэх & хийх

Өгүүллэг, шүлэг бичих

Монгол дууны үг бичих

Зургийн цомог

Хайлтын хэсэг

Сайтыг хийгч

webmaster
webmaster
Newsman
sara9107
ss
xalxmongol

Хүнд хэлэх

Сүлжээнд хэн байна

22: Зочин

1: Хэрэглэгч

19626: Нийт бүртгэл

Anora

Таны нэр Зочин.
Бүртгүүлэх.

Монгол мэдээ : Баривчлагдсан хүмүүсийн дотор эрүүгийн хоёр гэмт хэрэгтэн хоёр байжээ
Нийтлэгч sara9107 [ 2008/7/4 22:44:04 ] уншсан 183.
Баривчлагдсан хүмүүсийн дотор эрүүгийн хоёр гэмт хэрэгтэн хоёр байжээ Өчигдөрхөн хүний хөлд дарагдан бамбай бороохой болсон цагдаа нар Албадан саатуулан баривчлах төвийн үүдэнд иргэдийн эсэргүүцэлтэй тулж байсан бол өнөөдөр тэнд хэдхэн тооны хүн үлдсэн бололтой. Цөөн тооны цагдаагийн ажилтнууд хамгаалалт хийж байлаа. Жагсаалд оролцон, мөн ойр орчинд нь байсан иргэдийг 72 цагийн дотор гэм буруутай эсэхийг нь тогтоож суллах эс суллахыг шийдэх хуулийн заалтын дагуу өнөөдөр суллаж эхэллээ. Өглөө тус төвийн дарга хурандаа Ц.Батчулуун хэн гэдэг иргэн, хаана очих гэж байгааг уншиж танилцуулжээ. 11 цагаас эхлэн дүүргүүдийн цагдаагийн хэлтэст иргэдийг тарааж эхэлсэн гэнэ. Нийслэлийн дүүргүүдээс Сонгинохайрхан, Баянзүрх дүүргийн иргэд энэ баривчилгаанд хамгийн их хамрагджээ. Мөн Сүхбаатар дүүргийн иргэд сонирхох санаатай ирээд цөөнгүй нь баригдсан байсан. Манай сурвалжлах хэсэг 15 цагт Албадан саатуулан баривчлах төвийн гадна ирэхэд нэгэн эмэгтэй “Манай хүү байцаагчийнхаа утсаар ярилаа. Одоо дүүрэг дээр байна гэнэ. Хүүгээ гаргаж авъя” гэсээр баярлан явж одов. Гэтэл зарим нэг хүн сураггүй байгаа хүмүүсийнхээ овог нэрийг бичээд хариу өгөхийг хүсэхээр зэхэж байлаа. МАХН-ын байр болон Соёлын төв өргөө Сүхбаатар дүүргийн нутагт байдаг учир энэ дүүргийн иргэд их саатуулагдсан бөгөөд ар гэрийнхэн нь дүүргийн цагдаагийн хэлтсийн өмнө ирсэн байв. Иргэдээс саатуулагдсан болон батлан даалтад авч байгаа хүний иргэний үнэмлэхийг баталгаажуулж авчирсан байхыг шаардаж байгаа гэнэ. Бичиг баримтаа бүрдүүлсэн иргэдийг дахин гэмт хэрэгт холбогдохгүй, анхаарал болгоомжтой байхыг сануулаад гаргаж байлаа. Саатуулагдаад гарсан 23 настай Баянгол дүүргийн иргэн Б-гээс цөөн асуултад хариулт авлаа. -Чи хаанаас баригдсан юм бэ. Хэн нэгэн жагсаалд оролц, мөнгө өгье гэсэн юм биш биз? -Манай найзууд орой шоу болж байна гэхээр нь очсон чинь юун шоу бөөн зодоон болж байсан. Манай найзыг нэг залуу дээрэлхээд байсан юм. Тэрэнтэй ноцолдож байхад цагдаа нар барьсан. Бид нар гал гарсан хойно талбай дээр очсон. Мөнгө энэ тэр гэж дуулаагүй юм байна. -Дотор их хэцүү байв уу? -Гайгүй ээ. Анх барихдаа хаа тааралдсан газар бороохойдож байсан. Энд ирсэн хойно зодоогүй ээ. Шинжилгээ өгч байгаад гаргаж байна. Ингэх нь зөв байх л даа гэв. Одоогийн байдлаар Албадан саатуулан баривчлах төвд хэдэн хүн үлдэж, ямар гэм буруутай байгаа талаар цагдаагийнхан мэдээлэл өгөхгүй гэв. Дүрсээр баталгаажуулсан учир жинхэнэ гэм буруутай иргэд энд үлдсэн бололтой. Баттай эх сурвалжийн өгсөн мэдээллээр эрүүгийн ноцтой гэмт хэрэгтэн хоёр илэрсэн гэнэ. Эрүүгийн хэрэг үйлдсэн нь нотлогдсон иргэдийн хэргийг цааш нь үргэлжлүүлэн шалгах аж. Харин буудуулж амь насаа алдсан иргэдийн асуудлыг цагдаагийн байгууллага бус Прокурорын дэргэдэх Мөрдөн байцаах алба эрүүгийн хэрэг үүсгэн шалгах гэж байна.