Долоо хоногийн эрчимтэй өлсгөлөн. (Энэ аргыг эмч нар боловсруулсан тул эрүүл мэндийн гаж нөлөөгүй) Энэ аргыг сар болгон туршиж үзэж болно. Эхний туршилтын дүнд 10 кг баттай турна гэдгийг баталж байна. Харин дараачийн удаагийнхаас 3-4 кг турах болно.
1 өдөр: 1 лонх цэвэр усыг 6 хэсэг болгон хувааж хэрэглэх.
2 өдөр: Өдрийн турш 0.8 л сүү. 20-21 цагийн хооронд нэг алим.
3 өдөр: Өдрийн турш 1 лонх цэвэр ус.
4 өдөр: Ногооны өдөр. Салат (литрийн саваар) шинэхэн байцаа, лууван, бүх төрлийн ногоонуудыг 1 том халбага наран цэцгийн тостой холиод 3 порци болгон хуваана. Энэ өдөр 2 стакан ус, эсвэл 2 стакан саахаргүй цай ууж болно.
5 өдөр: Өдрийн турш 0.8 л сүү.
6 өдөр: Өглөөний хоол: чанасан өндөг, хагас аяга цай. Өдрийн 11 цагт ногооны шөл (төмс, лууван, байцаа, гээд юу ч байж болно). Өдрийн хоолонд 100 гр үхрийн мах (100 гр гэдэг нь баримжаагаар 4 чүдэнзний хайрцаг гэсэн үг) мөн 100 гр даршилсан вандуй. Їд дунд нэг алим. Оройн хоолонд алим. Оройн 9 цагт нэг алим.
7 өдөр: 100 гр тараг эсвэл 2 стакан сүү. Оройдоо зөвхөн 1 аяга сахаргүй цай л ууж болно.
Энэ хоолны дэглэмийн сайн тал нь гэвэл хямд төсөр ба 10 кг найдвартай турна. Энэ нь мөн сэтгэлийн тэнхээ ихтэй хүмүүсийн дэглэм юм. Тус хоолны дэглэмийг долоо хоногийн Даваа гаригаас эхэлбэл зүгээр (хорогдож байгаа сарнаар эхэлбэл бүр ч сайн). Эхний 3 хоногт толгой маш ихээр өвдөх магадлалтай. Аль болох их унтахыг хичээгээрэй. Гэхдээ хөл дээрээ зогсож байгаад өлсөх юм бол үр дүн нь бүр ч илүү байх болно. Жаахан сэтгэлийн тэнхээ, тэгээд л та гуалиг сайхан биетэй аз жаргалтай нэгэн болно. Илүүдэл жингийнхээ эсрэг тэмцэлд тань амжилт хүсье.

Биеэ хэвэнд нь оруулцгаая.
Өвөл гээд баахан хүнд хувцсаар өөрийгөө дарж, хавар гээд салхинд үсээ алдчихгүйн тулд ум хумгүй өөрийгөө багалж байсаар бие галбирынхаа талаар ттаг мартчихсан мэт санагдаж байна. Їнэхээр ч зуны урин дулаан цаг ирж удаан хадгалсан хувцаснуудаа өмсөх гэтэл бие галбир маань өмнөхөөсөө хамаагүй муудсаныг та лав анзаарсан биз. Ядаж байхад бүсэлхий, гэдэс гээд хамгийн хэцүү газруудаар шүү.
Та бүү санаа зов. “Өвлийн жин”, “зуны жин” гэдэг ойлголтууд байдаг ба манайх шиг уур амьсгалтай газар бол тэдгээрийн зөрүү нь 5 кгд ч хүрэх боломжтой. Эдгээр илүүдэл жинг бид зуслан явахаасаа урьдаж арилгах хэрэгтэй. Илүүдэл жингээ хянахад биеийн хүчний ажлын хэмжээ, удмын онцлог, хооллолт ба амьдралын хэв маягийн онцлог зэрэг зүйлсүүд их нөлөөлнө.
Эрчүүд эмэгтэйчүүдийг бодвол илүү хурдан турдаг боловч эмэгтэйчүүд илүү тэвчээртэй ба санаандаа төгс нийцсэн бие галбиртай болохоос нааш сэтгэл амардаггүй.
Бид таньд хоёр сарын курс санал болгож байна-Төгс төгөлдөрт хүрэх гурван алхам.

Нэгдүгээр алхам
Хавар хоолны дэглэм сахих нь тийм ч тохиромжтой биш. Гадаа хүйтэн байдаг ба таны бие организм чинь хязгаарлагдмал тэжээлийн бодисонд дасаагүй байгаа. Їүгээр ч барахгүй бүхэл хаврын турш витамин заавал уух ёстой шүү. Хоолноос бид тэртэй тэргүй хангалттай витамин ба тэжээлийн бодис авч чаддаггүй, харин хавар тэдгээр нь их хэрэг болдог.
Хавар бид өөр замаар явна-фитнес. Фитнес гэдэг үг монгол хэлний үгийн санд байдаггүй боловч энэ үгний утгыг мэдэггүй хүн бараг байдаггүй байх. Фитнес гэдэг бол эрүүл аж төрөх хэлбэр ба дасгал гэсэн үг. Харин дасгал гэдэг бол маш өргөн утгатай. Гимнастик, сунгалт, аэробика, усанд сэлэх, морь унах, гүйх, явган аялал, бүжиг гээд хөдөлж хийдэг бүх л юм орно. Долоо хоногт 3-4 өдөрт 15-30 минутыг дасгалд зориулж байхыг зөвлөж байна. Маш бага хэмжээний дасгал ч гэсэн калори шатаахад эергээр нөлөөлдөг. Оргүйгээр охинтой нь дээр гэдгийг санаж байгаа биз дээ.
Илүү жин ихтэй, бүр маш ихтэй бөгөөд хөдлөхөд хүндрэлтэй хүмүүс болон “гимнастик” гэдэг үгийг нь хүртэл үзэн яддаг хүмүүст ариа зөөлөн дасгалуудыг санал болгож байна. Ажлын байран дээрээ, дуртай буйдан дээрээ хэвтээд телевизор үзэж, уншиж, оёж, утсаар ярьж байхдаа та хөл гарны дасгал хийж болно шүү дээ. Ажил төрлийн найзууд чинь харна гэж битгий санаа зов. Ажил дээрээ дасгал хийх нь одоо моодонд ороод байгаа.
Ажил төрөл гээд таньд дасгал хийх ямар ч хүч үлддэггүй бол янз бүрийн хүч тамир оруулагч ургамалын хандуудыг уух хэрэгтэй. Уусны дараа таньд өөрийн эрхгүй хөдлөх хүсэл төрөх болно. Бие организм маань хөдөлгөөнөөр байнга дутаж байдаг. Харин бид л нэг бол зав, нэг бол хүсэл, аль эсвэл хүч байхгүй, заримдаа бүр зүгээр л залхуугаасаа болж энэ хэрэгцээгээ тэр болгон хангаад байдаггүй. Удаан хугацаагаар хөдөлгөөнгүй байсан хүн бие хөшчихөж гэж их гомдолдог. Ийм тохиолдолд нурууны болон хүзүүний массаж хийлгээрэй. Дасгалаа гэнэт огцом их хийж эхэлж болохгүй. Хамаг бие чинь хөндүүр болох болно. Хэрэв ийм юм аль хэдийн болсон бол дасгалаа 1-2 өдрөөр завсарлаарай. Өдөр болгон биедээ хэт их ачаалал өгөхөөс зайлсхий, биеийн эсэндээ нөхөн үржих боломж өгөх хэрэгтэй. Мөн дасгалуудынхаа хооронд удаан завсарлаж болохгүй.
Зарцуулж байгаа хүч хөдөлмөрөөс хамааралгүйгээр ямар ч дасгал калорийн зарцуулалтыг ихэсгэж болно. Дасгалтайгаа хамт бодолтой хооллох юм бол дунд зэргийн ачааллалтай дасгал ч (явган зугаалах зэрэг) жингээ хасч тогтвортой барихад хангалттай байж болно.
Дасгал нь бүх насныханд шаардлагатай. Нас тогтсон хүмүүст бол биеийн хүчний дасгалууд нь бүр ч их хэрэгтэй. Сайн сунгалт, арай хүчтэй шүрмэс болон яс нь нас нэмэгдэхэд гарч ирдэг олон таагүй асуудлуудыг хөнгөлж өгдөг: амьсгал, цусны эргэлт, хоол боловсруулах эрхтэнүүдийг сайжруулж, үе мөчний өвчин бий болохоос сэргийлдэг. Биеийн хүчний дасгалууд нь стрессийн эсрэг маш сайн эм юм. Бяцхан зугаалга, хөнгөхөн дасгал шиг их тайвшруулдаг зүйл бараг байхгүй.
Саунд орж илүүдэл усаа алдсаны дунд жин хаяж болох боловч их хэмжээгээр хөлөрсний дараа бие организмаа хэвийн байлгахын тулд тохирох усыг нь нөхөн олгож байх хэрэгтэй.
Гимнастикт сайн түлхэц болох зүйл бол янз бүрийн туулгах эмнүүд байна. Мөн тураах тос болон массаж (массаж бол хөдөлгөөнгүй дасгал) нь маш их үр дүнтэй. (Ер нь бол эдгээр нь гимнастиктай хамт л үр дүнгээ өгдөг юм).
Гимнастик нь заавал хоолны хязгаарлалттай хамт байх ёстой. Хэрэв та байнга зарцуулж байгаагаасаа их калори хэрэглэж байвал ямар ч үр дүн байхгүй. Биеийн хүчний ажил таны юм идэх хүслийг нэмэгдүүлнэ гэж бүү ай. Учир нь юм идэх хүсэл маш удаан хугацааны турш дасгал сургуулилалт хийсний дүнд л нэмэгддэг.

Хоёрдугаар алхам
Ингээд та бараг хоёр долоо хоног дасгал хийж байгаа биз дээ. Таньд хөдөлж, амьсгалж, ажиллахад тань хялбар болж хоол боловсруулах эрхтэнгүүд чинь мэдэгдэхүйц сайжирсан байгаа биз дээ. Биеэ цаашид ч гэсэн сайтар хөдөлгөсөөр бай. Гэхдээ энэ удаад бид бас нэгэн гэнэтийн бэлэг барина. Энэ бол цэвэрлэх. Хавар, зуны цагт цэвэрлэх курс эмчилгээ заавал хийлгээрэй. Энэ нь таны биеийн байдлыг эрс сайжруулж, таныг энерги-ээр дүүрэн болгож, өөх хайлуулах процессийг түргэсгэж таны бие организмыг дараачийн алхамд бэлдэх болно. Гурав дугаар сарын сүүлийн хагас энэ үйл явдалд яг тохирох цаг. Бие организмаа цэвэрлэх арга маш олон байна. Монголчууд бидэнд хамгийн сайн танил болсон арга гэвэл гүүний саам юм. Мөн өөр маш олон арга бий ба та тэднээс дуртайгаа сонгож болно. Хаврын улиралд энэ эмчилгээгээ 1-3 долоо хоног үргэлжлүүл. Ямар ч арга сонгож авсан бай өдөрт 2-оос доошгүй литр ус уух ёстой шүү.

Гуравдугаар алхам
Харин одоо дасгал хийсэн чигээрээ хоолны дэглэм барьж эхэл. Орой унтахаасаа өмнө юм бүү ид. Нойр чинь ер хүрэхгүй бол тайвшруулагч өвс хэрэглэж болно. Жишээ нь зөрөг цэцэг, балжингарам, гаа, валериана зэрэг. Их хэмжээний В төрлийн витаминууд мөн тайвшруулах үйлчилгээтэй. Тайвшруулагч өвс В төрлийн витамин нийлэх юм бол үр дүн нь бүр ч их.
Аз жаргал гэдэг бол ганц тэмцэл ч биш бас ялалт гэж Маркс хэлсэн юм. Та хэрэв энэ бүгдийг хийж чадах юм бол орой болгон дүүрэн ходоодтой биш дүүрэн сэтгэл ханамжтай унтахаар хэвтэх болно.
Чиний биеийн галбирт тохирсон стиль.

-Өргөн, бүдүүн мөр-
Өргөн мөр, том цээжтэй бие галбир. Ийм бие галбиртай эмэгтэйчүүд ихэвчлэн том цээжин биеэ дарж, гуалиг урт хөлөө тодотгож өгөхийг хүсдэг. Эдгээр эмэгтэйчүүд ү-маягийн захтай цамц сонговол зохино. Дээгүүрээ бараан, харин доогуураа арай гэгээтэй өнгө сонговол илүүдэхгүй байх. Мөн богино банзал, нарийн өмд джинс гоё харагдах болно. Учир нь гоолиг сайхан хөл чинь жаахан бүдүүн цээжин биенээс чинь анхаарлыг холдуулах болно. Дээгүүр оноотой урт нарийхан юбка таньд маш гоё харагдах болно. Биеийнхээ дээд хэсгээр босоо, доод хэсгээр хэвтээ зураастай хувцас өмсөж бай. Хамгийн гол нь урт сайхан хөлөө тодотгож өгөх юм. Яаж ч байсан доороосоо урт, хаалттай хувцас өмсөж болохгүй. Энэ нь нилэнхүйдээ бүдүүн мэт харагдуулах болно.

-Бүх биеэрээ мариалаг-
Мярайлаг, уян налархай, дугараг мөртэй бүсгүйчүүдэд зуйван хэлбэртэй том энгэр зохино. Таны зорилго бол богино бэлхүүс болон хөндлөн зурагтай бүх төрлийн зүйлээс зайлсхийх юм. Таны хувьд харин ч эсэргээрээ биеэ урт нарийхан болгож харагдуулах хэрэгтэй. Ингэхийн тулд урт босоо зураас, шугам, хээтэй бүхнийг өмсөх хэрэгтэй. Таньд сул унжсан тунгалаг, эсвэл хагас тунгалаг хөнгөн материалтай нэлээд илэн далангүй энгэртэй цамц маш сайхан зохино гэдэгт итгэлтэй байна. Гүн, гурвалжин хэлбэртэй зах ч гэсэн сайхан зохино. Хүзүү, мөрийг чинь чимэх үнэт эдлэл ч гэсэн илүүдэхгүй байх. Таны биеэнд хөнгөн, намирсан материалтай бөөн бөөн давхараараа өлмий хүртэл чинь чөлөөтэй унжсан хувцас хэрэгтэй. Янз бүрийн чимэглэлтэй өмд, доогуур суудалтай өмд, эсвэл даашинз өмсөхдөө босоо урт зурааснуудын талаар бүү мартаарай. Өмдний чинь хоёр талд хоёр нарийхан кант, эсвэл голоор нь нэг кант, даашинз бол бүхэлдээ зураас зэргээр хослуулж өмсөөрөй. Хэрэв таны хувцас чинь өмд цамцнаас тогтож байвал дээд хэсгээрээ заавал зураастай цамц сонгож аваарай. Энэ нь таны биеийг илүү урт болгож харагдуулах болно.

-Мярайлаг, налархай-
Гоёмсог өгзөг болон нарийхан гэдэсний хослол. Нэлээд нарийхан бэлхүүс ба нарийхан мөр. Энэ нь уян налархайгийн шинж ба амархан эрүүл удам төрүүлэхийн шинж.
Магадгүй та нэлээд өргөн биений доод хэсгээ нарийхан дээд хэсэгтэйгээ зохицуулахыг хүсч байгаа байх. Тэгвэл таньд зориулсан хэдэн мэх:
Цамц, футболка, пиджак, даашинзны алин дээр ч заавал мөр хийж өмс. Энэ нь арай өргөн мөртэй мэт харагдуулах болно.
Таньд гүн ү маягийн энгэр их зохидог юм байна. Мөн ийм хэлбэрийн зах, ийм хэлбэрийн энгэрээс авахуулаад гэдэс хүртэл хээ ч гэсэн сайхан зохино. (Хиймэл мөртэйгээ хамт бүр ч сайхан харагдана) Жижиг хуниас, тийм ч том биш захыг зөвлөж байна. Ийм галбиртай бүсгүйчүүдэд дээгүүрээ бариун байж байгаад доошлох тусмаа бага багаар өргөн болдог даашинз тун сайхан зохидог юм. Ер нь даашинз бидний биед маш сайхан зохидог. Гэхдээ нам бэлхүүс, хөндлөн зураг, бичээс, хээтэй загварын ямар ч зүйлийг бүү хэрэглээрэй.

-Өндөр гуалиг-
Та өөрийгөө урт, туранхай гэж бодон жаахан таргалж биендээ галбир оруулахыг хүсдэг үү? Тэгвэл таньд жаахан санаа хэлж өгч болох л юм:
Та дугараг хэлбэрийн ү-маягийн энгэр сонгож байгаарай. Мөн бэлхүүсний шулууныг дээгүүр харагдуулахын тулд жижиг цамц, свитер, пиджак, желет өмсөөрэй. Ийм дээгүүр хувцастай байхад таны өмд чинь заавал доогуур суудалтай байх ёстой. Джинсэн өмдөө ташаан дээгүүрээ тавьж өмс. Энэ нь таны өгзөгийг том, бэлхүүсийг чинь нарийхан болгож харагдуулна. Ийм Джинс ба богино цамц хоёр бол яг таньд тохирсон хувцас юм. Та өөртөө янз бүрийн эрээвэр хураавар, тод өнгийн хээ угалз, зурагтай даашинз авахаар завдсан бол түр азна хий. Таны өндөр, галбирийг харгалзан үзвэл ийм тод өнгийн хээ угалз нь таны биеийг харьцаагүй ба мурий харагдуулах болно. Иймд дан өнгийн, жигд шулуун хээтэй даавуун даашинзыг илүүд үзсэн нь дээр болов уу. Мөн дээд доод хувцас чинь өөр өөр өнгөтэй байх хэрэгтэй гэдэг бол нэлээд чухал зүйл шүү. Албаны хувцаснаас таньд богино юбкатай хослол их зохино. Зун ч гэсэн богино шорт өмсвөл урт хөлийг чинь арай богино болгож харагдуулах болно.

-Элсэн цаг шиг гуалиг бие-
Та маш гоё биетэй юм. Өгзөг болон бэлхүүсний төгс харьцаа. Энэ бол маш том гадаад үзэмж ба таньд маш олон төрлийн хувцаснаас сонголт хийх боломжийг олгож байгаа юм. Та бараг бүх төрлийн хувцасыг өмсөж болно гэдэгтээ бүү эргэлзээрэй. Гэхдээ хэдэн зөвөлгөө өгөхөд бас л илүүдэхгүй байх. Таны дээд болон доод хувцас чинь нэг өнгийнх байвал өөр өөр байснаасаа хамаагүй дээр харагдах болно. Мөн янз янзын чимэглэлтэй бүснүүд таны гуалиг сайхан бэлхүүсийг улам ч тодотгож өгөх болно.